مطعم  مهراجا الهندي فى القاهرة 

طبعا بعد التدوير والبحث عن افضل مطعم هندي فى القاهرة ، استمعت لكثير من النصائح من الاصدقاء عن مطعم هندي اسمة مهراجا الهندي ، المطعم القائيمن عليه والادارة سوريين ، بس بجد  اكل المطعم ده اكثر من رائع تقييمى للمطعم 9 / 10 

رقم خدمة التوصيل فى جميع انحاء القاهرة 16396 

مطعم مهراجا الهندي لة فروع  في الزمالك ، مدينة نصر ، الرحاب ، التجمع الخامس

اسعار المطعم : الاسعار فى المطعم تقريبا متوسة او اقل من المتوسط يعني مش غالية خالص ودى احلي ميزة فية انوا مش غالي وفي نفس الوقت اكلة لذيذ ، لو حضرتك ساكن فى احد الفنادق الاتية حيكون فرع مدينة نصر قريب جدا منك : -

1- فندق هوليداي ان سيتي ستارز 

2- فندق انتركونتنتال سيتي ستارز

3- شقق ستاي بريدج للشقق الفندقية

4- شقق فندق انتركونتنتال سيتي ستارز 

فى البداية فى مطعم مهراجا الهندي بيقدملك الـ 3 صوصات بتوع اى مطعم هندي لازم تجربهم لانهم طعمهم لذيذ جدا 

العيش بالجبنة عندهم حكاية بردوا لازم تجربوة 

طبعا اول ما دخلت طلبت برياني بالدجاج ، وصراحة دخلت مطاعم هندي كتير اول مرة اشوف برياني لون الرز احمر ، لكن الطعم كمان ولا اجمل من كدة 

الفراخ بالثوم حاجه تانية خالص ، وخصوصا كمان انهم بيحطوا تحت الطبق فحم وبيفضل الاكل سخن 

دى السلطة بتاعتهم وهى السلطة الهندية زبادي مع بصل مع طماطم ، طبعا اللى حيجرب الاكل الهندي لاول مرة لازم يعرف انهم بيحطوا كمية بهارات كتير واكلهم حراق فى معظم الوقت ، فلازم تاخد السلطة دى علشان تهدي النار اللى حتاكلها 

نيجي بقي للايس كريم ، كدة كدة الايس كريم عندهم زي معظم المطاعم اللى اصحابها سوريين بيقدموا حاجه اسمها ضيافة او ببلاش ، طبعا الايس كريم عندهم مختلف خالص ، الايس كريم بيجي فى كباية خشب ، مع جزر مبشور لازم تجربة لانة بردو اختراع من الاختراعات بتاعت مطعم مهراجا الهندي